მიწოდება და დაბრუნება

1. მიწოდების ზონები და ვადები

თბილისი — 1–2 სამუშაო დღე, კურიერით 10:00-დან 21:00-მდე. საქართველოს რეგიონები — 2–4 სამუშაო დღე კურიერული სამსახურის მეშვეობით. 17:00 საათამდე გაფორმებული შეკვეთა მუშავდება იმავე დღეს.

მზა კერძების მიწოდება ხორციელდება მხოლოდ ვაკის, საბურთალოსა და ვერის ფარგლებში, საშუალოდ 40 წუთში.

2. ღირებულება

მიწოდების საფასურია 8 ₾ თბილისში და 12 ₾ რეგიონებში. 120 ₾-ზე მეტი ღირებულების შეკვეთა თბილისში იგზავნება უფასოდ. კურიერი დაგირეკავთ ჩამოსვლამდე 15–20 წუთით ადრე.

3. შეკვეთის მიღება და შემოწმება

გთხოვთ, კურიერის თანდასწრებით შეამოწმოთ შეფუთვის მთლიანობა და შიგთავსი. თუ ამანათი დაზიანებულია, მიუთითეთ ეს მიღების დოკუმენტში ან უარი თქვით მიღებაზე — ჩვენ უფასოდ გამოგიგზავნით ჩანაცვლებას.

4. დაბრუნება და თანხის ანაზღაურება

„მომხმარებლის უფლებების დაცვის შესახებ“ საქართველოს კანონის შესაბამისად, დისტანციურად შეძენილი პროდუქტის დაბრუნება შესაძლებელია 14 კალენდარული დღის განმავლობაში მიზეზის მითითების გარეშე, თუ პროდუქტი გაუხსნელია და შენარჩუნებული აქვს სასაქონლო სახე.

დაბრუნების მოთხოვნა გამოაგზავნეთ ელფოსტაზე [email protected] შეკვეთის ნომრის მითითებით. თანხა ბრუნდება იმავე გადახდის საშუალებაზე პროდუქტის მიღებიდან 5–10 სამუშაო დღეში. დაბრუნების ტრანსპორტირების ხარჯს ანაზღაურებს მომხმარებელი, გარდა იმ შემთხვევისა, როცა პროდუქტი დეფექტურია ან შეკვეთას არ შეესაბამება.

ჰიგიენური მიზეზების გამო არ ბრუნდება გახსნილი სასურსათო პროდუქცია და მზა კერძები. სასაჩუქრე სერტიფიკატი არ ექვემდებარება ფულად ანაზღაურებას.